Eu Green Energy SHPK (“Eu Green Energy”), një zhvillues lider i energjisë së rinovueshme në rajonin e Ballkanit, që zotëron portofolin më të madh të projekteve eolike në fazën e zhvillimit, dhe WESTLAKE VILLAGE, Kaliforni –BUSINESS WIRE)–Energy Vault Holdings, Inc. (NYSE: NRGV) (“Energy Vault” ose “Kompania”), një lider global në zgjidhjet e ruajtjes së energjisë me shkallë rrjeti, njoftoi nënshkrimin e një Marrëveshjeje Kuadri Furnizimi (FSA). Marrëveshja pasqyron përkushtimin e përbashkët të të dy kompanive për një partneritet shumëprojektesh, me qëllim të avancimit të vendosjes së deri në 1.8 GWh Sistemeve të Ruajtjes së Energjisë me Bateri (BESS) gjatë katër viteve të ardhshme, duke mbështetur zhvillimin e projekteve të energjisë së rinovueshme në rajonin e Ballkanit. 

Ky partneritet strategjik forcon objektivin e përbashkët të Eu Green Energy dhe Energy Vault për të përshpejtuar integrimin e energjisë së rinovueshme dhe për të përmirësuar fleksibilitetin e rrjetit në të gjithë Ballkanin, duke mbështetur strategjinë e Eu Green Energy për të zgjeruar portofolin e saj të energjisë së rinovueshme në Shqipëri, Kosovë, Maqedoninë e Veriut dhe Mal të Zi. 

“Ne kemi kaluar shumë kohë duke identifikuar partnerin e duhur që kupton nevojat tona dhe është i gatshëm të bashkëpunojë me ne ndërsa zgjerohemi në tregjet tona. Energy Vault ka demonstruar përqendrim të provuar tek klienti dhe ekspertizë teknike, duke ofruar një platformë unike hardware dhe software që përshtatet në mënyrë të përkryer me strategjinë tonë të rritjes,” tha Alfons Uka, President i Eu Green Energy. “Presim me padurim ta vendosim atë në shkallë të gjerë për projekte të shumta në Shqipëri, Kosovë, Mal të Zi dhe Maqedoni të Veriut.” 

“Jemi krenarë të bashkëpunojmë me Eu Green Energy, një aktor i konsoliduar i energjisë së rinovueshme në rajonin e Ballkanit me kuptim të thellë të politikave lokale të energjisë dhe ekzekutimit,” tha Marco Terruzzin, Drejtor i të Ardhurave i Energy Vault. “Platforma tona B-VAULT™ dhe VaultOS™ do t’i mundësojnë Eu Green Energy të vendosë asetet shpejt dhe në mënyrë efikase, duke arritur kthime superiore të projekteve në një nga tregjet më dinamike dhe me zhvillim të shpejtë të energjisë në Evropë.” 

Projekti i parë që po zhvillohet nën marrëveshjen kuadër, një instalim BESS 100 MW/400 MWh në Shqipëri, ka nisur zhvillimin me nënshkrimin e një Marrëveshjeje për Pajisje dhe Shërbime Energjie (EEQ). Faza 1 e këtij projekti, që përfaqëson 50 MW/200 MWh, do të shfrytëzojë sistemin e ruajtjes së energjisë B-VAULT™ dhe sistemin e menaxhimit të energjisë VaultOS™ të Energy Vault për të ofruar performancë të avancuar, besueshmëri dhe fleksibilitet të rrjetit. 

Sistemi do të instalohet në Kulluricë, Jug i Shqipërisë, me Fazën 1 (50 MW / 200 MWh) të planifikuar të hyjë në operim komercial në Tremujorin e 3-të të vitit 2026, e ndjekur nga Faza 2 (50 MW / 200 MWh) që pritet të hyjë në linjë në Tremujorin e 1-të të vitit 2027. Marrëveshja është e kushtëzuar nga miratimi përfundimtar i legjislacionit shqiptar. 

Ky njoftim shënon një avancim dhe zgjerim të Eu Green Energy SHPK në rajon, duke konsoliduar pozicionin e saj udhëheqës në rajon, me një plan dhe strategji të qartë për përmirësimin e prodhimit të energjisë së rinovueshme në Rajonin e Ballkanit Perëndimor dhe sigurimin e qëndrueshmërisë dhe sigurisë së energjisë si një infrastrukturë kritike, duke përfshirë sistemet më të avancuara dhe efikase të ruajtjes së energjisë me bateri, duke bashkëpunuar ngushtë dhe duke kontribuar në zgjerimin komercial të Energy Vault në tregun global të ruajtjes së energjisë me bateri, me portofolin B-VAULT™ të Kompanisë që tani tejkalon 2 GWh të sistemeve të vendosura ose të kontraktuara globalisht. 

Rreth Eu Green Energy  

Eu Green Energy është një kompani lider në zhvillimin e parqeve eolike në rajon dhe të projekteve të tjera strategjike që synojnë rritjen e prodhimit të energjisë së gjelbër, duke e pozicionuar kompaninë si një aktor kyç në rajon për sigurimin e një të ardhmeje të qëndrueshme për prodhimin e energjisë së pastër dhe rritjen ekonomike. Projektet e energjisë së rinovueshme në zhvillim nga Eu Green Energy SHPK përfshijnë një portofol të konsiderueshëm projektesh për prodhimin e energjisë nga era, dielli, uji dhe bioenergjia.

Eu Green Energy përdor pajisjet dhe metodologjitë më të avancuara teknologjike në zhvillimin e projekteve të energjisë së gjelbër, duke siguruar përputhshmëri me standardet evropiane dhe duke synuar maksimizimin e prodhimit të energjisë së rinovueshme. Kompania synon të shfrytëzojë burimet e bollshme të energjisë së rinovueshme të Shqipërisë, duke ofruar energji të përballueshme, të besueshme dhe të qëndrueshme për ekonominë shqiptare dhe duke përmirësuar jetën e komuniteteve, si dhe duke kontribuar në sigurinë dhe optimizimin e tregut të energjisë së rinovueshme në Shqipëri dhe në rajon. Ju lutemi vizitoni Eu Green Energy për më shumë informacion. 

Rreth Energy Vault 

Energy Vault® zhvillon, implementon dhe operon zgjidhje të ruajtjes së energjisë në shkallë të gjerë, të projektuara për të transformuar mënyrën se si bota i qaset ruajtjes së qëndrueshme të energjisë. Oferta gjithëpërfshirëse e kompanisë përfshin teknologji të patentuara për ruajtjen e energjisë me bateri, gravitet dhe hidrogjen të gjelbër, duke mbështetur një gamë të gjerë nevojash të klientëve dhe duke mundësuar menaxhimin dhe optimizimin e sigurt dhe të besueshëm të sistemeve energjetike. Çdo zgjidhje e ruajtjes mbështetet nga softueri i sistemit të menaxhimit të energjisë dhe platforma e integrimit të kompanisë, të cilat janë të pavarura nga teknologjia e përdorur.

I veçantë në industri, portofoli inovativ teknologjik i Energy Vault ofron zgjidhje të personalizuara për ruajtjen e energjisë me kohëzgjatje të shkurtër, të gjatë dhe shumëditore/ultra të gjatë, duke ndihmuar kompanitë e shërbimeve energjetike, prodhuesit e pavarur të energjisë dhe përdoruesit e mëdhenj industrialë të reduktojnë ndjeshëm kostot e nivelizuara të energjisë, duke ruajtur njëkohësisht besueshmërinë e furnizimit me energji. Që nga viti 2024, Energy Vault ka zbatuar strategjinë e menaxhimit të aseteve “Own & Operate”, të zhvilluar për të gjeneruar flukse të parashikueshme, të përsëritshme dhe me marzh të lartë të ardhurash nga marrëveshjet e përdorimit të kapacitetit, duke e pozicionuar kompaninë për rritje të vazhdueshme në tregun e infrastrukturës së aseteve të ruajtjes së energjisë, i cili po zhvillohet me ritme të shpejta. Ju lutem vizitoni Energy Vault për më shumë informacion. 

Kontakt 

Eu Green Energy : 
contact@eugreenenergy.al